நீங்கள் ஒரு கூழாங்கல்லை,குளத்தில் எறிந்தால்,ஒரு சிறு அலை உருவாகி, அதன் கடைசி வரை பரவி விடும்.நீங்கள் பார்க்க முடியலாம், முடியாமல் போகலாம் ஆனால்,அந்தக் கல் எந்த இடத்தில் நீரைச் சந்திக்கிறதோ,அங்கு தான் அந்தச் சிற்றலை உருவாகிறது.அதைப் போலவே, உங்களது மனம் எனும் ஏரியில், எண்ணம் எனும் ஒரு கல்லை நீங்கள் எறிந்தால்,அந்த எண்ணத்தின் அலைகள் உடல் முழுவதும் பரவி விடுகின்றன. அதே சிற்றலைகள், உங்கள் கண்கள், மூளை,காதுகள்,இதயம்,மற்றும் உங்கள் கை கால்களில் கூட பிரதிபலிக்கின்றன. எனவே,உங்களது குண நலன்களில் எப்படிப் பட்ட எண்ணங்களை பரவ அனுமதிக்கலாம் என்பதில் நீங்கள் மிகவும் ஜாக்கிரதையாக இருக்க வேண்டும்.நீங்கள் தூய எண்ணங்களைப் பெறும் போது, உங்களது அனைத்து புலன்களும் தூய்மை அடைகின்றன.ஆனால், நீங்கள் தீய எண்ணங்களைப் பெறுவீர்களானால்,உங்களது புலன்களும் தவறான வழியில் திரும்பி,அதுவே வேகமாக உங்கள் கண்கள்,இதயம், கை மற்றும் மூளைக்குப் பரவி விடும்.எப்போதும் தூய எண்ணங்களையே கொண்டு இருங்கள். நீங்கள் அப்படிச் செய்தால்,உங்களது உடல், புலன்கள் மற்றும் செயல்கள் தூய்மையடையும்.