இறைவனைக் குறித்த பாதை கடினமானதே,ஆனால் நீங்கள் வெற்றியடைய முடியும்.இறைவன் என்ன வேண்டுமானாலும் செய்து கொள்ளட்டும். அவனிடம் சரணாகதி அடைந்து,'' நான் என்னுடன் எதையும் கொண்டு வரவில்லை!நீ எதை எல்லாம் எனக்கு அளித்தாயோ,அதை எல்லாம் உனக்கே திருப்பி அர்ப்பணிக்கிறேன் '' என்று கூறுங்கள்.உங்களது பெற்றோர்கள் உங்களது உடலை அளித்ததாக நீங்கள் நினைக்கலாம்.உங்கள் உடலில் உயிரை வைத்தது யார்?உங்கள் இதயத்தை இடையறாது இயங்கச் செய்பவர் யார்? நீங்கள் உங்களது உடலுக்குச் சுவையான உணவு ஊட்டலாம், நீங்கள் உண்ட அந்த உணவு அனைத்தையும் ஜீரணிக்கச் செய்பவர் யார்?இரத்த ஓட்டத்தை இயக்கும் சக்தி எது?ஒவ்வொரு ஜீவராசிக்குள்ளும்,ஒவ்வொரு செயலையும் இயக்குவது இறைவனே.ஒரு அங்குலம் கூட நீளம் இல்லாத கண்ணால், ஆகாயத்தில் வெகு தொலை தூரத்தில் இருக்கும் விண்மீன்களைக் காண முடிகிறது.இந்தச் சிறிய கண்,இந்தப் பெரிய வலிமை மற்றும் சக்தி ஆகியவற்றை அளித்தது யார்? உங்களுக்கு அனைத்தையும் அளித்தவனும், அளித்துக் கொண்டு இருப்பவனும் இறைவன் மட்டுமே. உங்களது சிறிய அஹங்காரத்தால், நீங்களே அனைத்தையும் செய்வதாக எண்ணிக் குழம்பிக் கொண்டு இருக்கிறீர்கள். இதுவே மிகப் பெரிய அறியாமை.இறைவன் எதை அளித்தாலும், அதை ஏற்றுக் கொள்ளுங்கள்; அது உங்களது மிகச் சிறந்த நலனுக்காகவே.