எந்த வேலையை வேண்டுமானாலும் எடுத்துக் கொண்டு,அதை நீங்கள் ஆற்றும் முறையில் அசத்யமோ, அநியாயம் அல்லது தீய நோக்கமோ இல்லாதவாறு செய்யுங்கள்.நீங்கள் ஆற்றும் பணி,நீங்கள் வாழ்வதற்கு சம்பாத்யம் பெற்றுத் தருவதோடு மட்டும் அல்லாது,நீங்கள் வாழும் சமுதாயம் மற்றும் நாட்டிற்கும் பலனளிக்குமாறு பார்த்துக் கொள்ளுங்கள். ஒவ்வொருவரும், தங்கள் வாழ்க்கையில் இந்தத் தூய்மையைக் கடைப் பிடிக்க வேண்டும். நீங்கள் இவ்வாறு தார்மீகமான காரியங்களில் ஈடுபட்டால், கர்மாவின் பலன்களுக்கு கட்டுண்டு இருக்க மாட்டீர்கள்.நீங்கள் யார் என்பது உங்களது முந்தைய கர்மாக்களைப் பொறுத்தது.தற்கால செயல்களின் மூலம் மீண்டும் பிறவாமல் இருப்பதை நீங்கள் உறுதி செய்ய முடியும்.ப்ரேமையின் மூலம்,நம்பிக்கை மற்றும் சிரத்தையை வளர்த்துக் கொள்ளுங்கள்.நம்பிக்கை மற்றும் சிரத்தையின் மூலம் ஞானத்தைப் பெறுகிறீர்கள்;ஞானத்தின் மூலம், ஆன்மீக சாதனைகளை வளர்த்துக் கொண்டு உங்களது இலக்கை அடைகிறீர்கள். எனவே, உங்களது ஆன்மீக சாதனைகளை வலுப்படுத்துவதற்கு, இவை அனைத்தும்- ஞானம்,சிரத்தை,நம்பிக்கை மற்றும் ப்ரேமை - இன்றியமையாதவைகளாகும்.ப்ரேமையே உங்களது புலன்களைக் கட்டுப் படுத்துவதற்கான மிகச் சக்தி வாய்ந்த சாதனமாகும்.