நீங்கள் துன்பங்களை எதிர் கொள்ளும்போது,தன்னம்பிக்கையை வளர்த்துக் கொள்ளுங்கள். '' நான் ஏன் இவ்வாறு துன்பப் பட வேண்டும் ?'' என எண்ணாதீர்கள். விசாலமான மனப்பாங்கினை வளர்த்துக் கொள்ளுங்கள். நடப்பது எதுவானாலும் உங்களது நலனுக்காகவே நடக்கிறது என உறுதியுடன் நம்புங்கள். கஷ்டம்,நஷ்டம்,வியாதி போன்றவை உங்களது நலனுக்காவே வருகின்றன என்பதை ஒருபோதும் மறக்காதீர்கள்.நல்லவற்றில் தீயவற்றைக் காணாதீர்கள். எப்போதும் தீயவற்றில், நல்லவற்றைக் காணுங்கள்.சுற்றிலும் இருட்டு இருக்கும் போது,வெளிச்சத்திற்கு அதிகமான மதிப்பு இருக்கும். சங்கடங்கள் இருக்கும் போதுதான், சந்தோஷத்தின் மதிப்பு உணரப்படுகிறது. மழை மற்றும் குளிர் காலங்களில், நாம் வெப்பத்தை விரும்புகிறோம்.கோடை காலங்களில் நாம் குளிர்ச்சியைத் தேடுகிறோம்.சந்தர்ப்ப சூழ்நிலைக்குத் தக்கவாறு,உஷ்ணமும்,குளிர்ச்சியும் உங்களுக்குத் தேவைப் படுகிறது.நீங்கள் எந்த சந்தர்ப்பத்தில் இருந்தாலும்,நல்ல உணர்வுகளை வளர்த்துக் கொள்ள வேண்டும்.எப்போதும் சீரிய எண்ணங்களைக் கொண்டவர்களாக இருக்கும் பழக்கத்தை சிறு வயதிலிருந்தே நீங்கள் ஆரம்பிக்க வேண்டும்.அப்போது நீங்கள் வளர்த்துக் கொள்ளும் எண்ணங்களும்,உணர்வுகளும் தான் எக்காலத்திலும் நிலைத்து நிற்கும்.நல் எண்ணங்களை வளர்த்துக் கொண்டு, தீய நட்புகளை கைவிடுங்கள்.