அன்னம் அனைத்தும் ஆண்டவனிடமிருந்து வந்ததே.ப்ரம்மத்திலிருந்து அது வந்ததால், அது இறைவனுக்கு அர்ப்பணித்த பிறகே உட்கொள்ளப் பட வேண்டும்.பின்னர் அது ஸாத்வீக உணவாக ஆகி விடும்.நீங்கள் வாங்கும் தானியங்கள் மற்றும் காய்கறிகளில் பல அசுத்தங்கள் இருக்கின்றன.இந்த அசுத்தங்கள் உங்களுள் புகுந்து விடுகின்றன. உணவுடன் சம்பந்தப் பட்ட பல வகையான குறைகளை நீக்குவதற்கு, அதை இறைவனுக்குப் படைத்து விட்டு ,பின்னர் அதை ப்ரஸாதமாக ஏற்றுக் கொள்ளுங்கள்.எப்போது உணவு இறைவனுக்கு நைவேத்யமாக படைக்கப் படுகிறதோ,அதன் பிறகு அதில் தோஷங்கள் இருப்பதில்லை. மீராபாய் பகவான் ஸ்ரீகிருஷ்ணரின் மிகச் சிறந்த பக்தை. அவள் ஒவ்வொன்றையும், உட்கொள்ளும் முன்பு எப்போதும் இறைவனுக்குப் அர்ப்பணிப்பார். மஹாராணா தனது கூட்டடாளிகளை அவருக்குக் கொடிய விஷம் கலந்த பாலைத் தருமாறு கூறியபோது, மீரா அதை அறியவில்லை. தனது வழக்கத்தின் படி,அவள் அந்தப் பாலை பகவான் ஸ்ரீகிருஷ்ணருக்குப் படைத்த பின்னரே அருந்தினார்;எந்த பாதிப்பிற்கும் அவர் உள்ளாகவில்லை. எனவே, எப்படிப் பட்ட உணவானாலும்,ஒருமுறை இறைவனுக்குப் படைக்கப் பட்டு விட்டால், அது விஷமாக இருந்தாலும் கூட, அமிர்தமாக மாறி விடும்.