ஸ்ரீமத் மஹாபாரதத்தில்,கௌரவர்கள்,'' நான் முதலில்,உலகம் அப்புறம், இறைவன் இறுதியில்'' என நம்பினார்கள்.பாண்டவர்களோ,'' இறைவன் முதலில், உலகம் அப்புறம், இறுதியில் நான் '' என்ற நம்பிக்கை கொண்டவர்களாக இருந்தார்கள். கௌரவர்கள் செல்வச் செழிப்பின் கீழ் தஞ்சம் புகுந்து, தங்களைச் சரியாகப் பாதுகாத்துக் கொள்ளவில்லை.''நான்'' என்ற அஹங்காரம் பாண்டவர்களிடம் மிகக் குறைவாக இருந்தது;எனவே தான் அவர்கள் உயர்ந்த நிலையை அடைந்து,இறைவன் பால் தஞ்சம் அடைந்தனர். பாண்டவர்கள் ஐந்து குணங்களான,ஸத்யம்,தர்மம்,சாந்தி,ப்ரேமை மற்றும் அஹிம்ஸையை உறுதியாகக் கடைப்பிடித்தனர்.எனவே தான் பகவான் ஸ்ரீகிருஷ்ணரே, பார்த்தனுக்கு ஸாரதியாக அமைந்தார்.இன்றும் கூட பாண்டவர்கள் மிக உயர்ந்த உதாரணங்களாகப் போற்றப்படுகின்றனர்.நாமும் பாண்டவர்களைப் போல நடந்து கொள்ள வேண்டும்.நம்மிடம், தீய எண்ணங்கள்,தீய செயல்கள் மற்றும் தீய பற்றுதல்கள் போன்ற குணங்கள் இருக்கின்றன. நல்லவற்றிற்கும்,தீயவற்றிற்கும் இடையிலான குருக்ஷேத்திரப் போர் இன்றும் கூட நமது இதயங்களில் நடந்து கொண்டு தான் இருக்கிறது.. பாண்டவர்களைப் போல வெற்றி வாகை சூடி,இறைவனை அடைய வேண்டும் என்றால், நீங்கள் கடுமையாக உழைத்து,உங்களது சுய நலத்தை விட்டு விட வேண்டும்.