நீங்கள் எல்லோரும் உலக மேப்பைப் பார்த்திருக்கிறீர்கள் இல்லையா? இந்தியா அதில் எவ்வளவு சிறியது? இந்தியாவுடன் ஒப்பிட்டால், ஆந்திர ப்ரதேசம் இன்னும் சிறியது.அனந்தப்பூர் மாவட்டம் அதை விடச் சிறியது.இந்த மாவட்டத்தில் புட்டபர்த்தி அந்த மேப்பின் ஒரு சிறிய புள்ளியைப் போன்றது. இப்போது புட்டபர்த்தியில் வசிக்கும் நீங்கள்,ஒரு முக்கியத்துவமும் இல்லாத ஒருவர். பின்னர் நீங்கள் ஏன் அஹங்காரத்திற்கு உள்ளாகிறீர்கள்?நினைவில் கொள்ளுங்கள், இறைவன் உங்களை முழுவதும் சுற்றி உள்ளான்.அஹங்காரம் கொண்டவர்களாக இருப்பதில் ஒரு அர்த்தமும் இல்லை.நீங்கள் படித்தவர்கள் எனப் பெருமை கொள்ளலாம்;ஆனால் உங்களை விட மெத்தப் படித்தவர்கள் பலர் இருக்கிறார்கள்.நீங்கள் மிகவும் அழகாக இருக்கிறீர்கள் என்று நினைக்கலாம்; ஆனால் உங்களை விட அழகானவர்கள் பலர் இருக்கிறார்கள். நீங்கள் நன்றாகப் பாடுபவராக இருக்கலாம்;ஆனால் உங்களை விட சிறப்பாகப் பாடுபவர்கள் பலர் இருக்கிறார்கள்.பின்,ஏன் நீங்கள் உங்களைப் பற்றித் தற்பெருமை கொண்டவர்களாக இருக்கிறீர்கள்? இது வெறும் அறியாமையே. அஹங்காரத்திற்கு இடம் கொடுக்காதீர்கள். படாடோபத்தைக் கைவிட்டு, அஹங்காரமற்றவர்களாக ஆகுங்கள்.தன்னலமற்றவர்களாக,படித்த மனிதர் என்பதற்கு ஏற்ற வாழ்க்கையை நடத்துங்கள்.எப்போதும் உதவுங்கள்; ஒருபோதும் தீங்கிழைக்காதீர்கள்.