காலத்தால் மாறாதது எதுவோ, அதுவே ஸத்யம்.ஒரு போலீஸ்காரர் தனது காக்கி உடையை அணிந்து கொண்டு,தனது கடமையைச் செய்கிறார்.நீங்கள் அவரை அப்போது பார்க்கும் போது,அதுதான் ஸத்யம் என்று நினைக்கிறீர்கள். தனது வேலை முடிந்தவுடன் அவர் தன் வீட்டிற்குச் சென்று, இரவு உடையில் மாறுகிறார்.இப்போது கூட அவர் போலீஸ்காரர் தான்!அவர் அணிந்து கொள்ளும் உடை மாறுகிறதே தவிர,அவரது உடல் மாறுவதில்லை.அதைப் போலவே,உள்ளுறையும் ஆத்மா ( தேஹி ),எந்த மாற்றமும் அடைவதில்லை. உங்களது உடல் ஸத்வ,ரஜோ மற்றும் தமோ குணங்களுடன் சம்பந்தப் பட்டது. அவற்றை நீக்கி விடுங்கள்;நீங்கள்,'' பரப்ரம்மனை''க் காண்பீர்கள். குளிரான மலைப் பிரதேசத்தில்,நீங்கள்பனியன்,சட்டை மற்றும் அதன் மேல் ஒரு பாதுகாப்பான கோட் அணிந்து கொள்கிறீர்கள்.உங்களது மார்பைக் காண வேண்டும் என்றால்,உங்களது கோட், சட்டை மற்றும் பனியனை எடுக்க வேண்டும்; அதன் பின்னர் தான் உங்களது இதயத்தைக் காண முடியும்.அதைப் போலவே, மனித உடலும் பல குணங்களால் மூடப்பட்டு இருக்கிறது. இவற்றை எல்லாம் தாண்டிச் சென்றால் தான்,உங்கள் இதயத்தில் உள்ள தெய்வீகத்தை உங்களால் காண முடியும்.