மனிதர்கள் அளவற்ற ஆசைகளினால் மயங்கிக் கிடக்கிறார்கள்.பரப்ரம்மத்தை மறந்து,அவர்கள் ஒரு கனவு உலகில் வாழ்கிறார்கள்.ஆசைகளைக் கட்டுப்படுத்தி அவைகளுக்கு ஒரு வரம்பு வைத்துக் கொள்வது மிகவும் முக்கியம். நமது சொந்த சுகங்களுக்காக தறிகெட்டு செலவழிப்பதற்கு பதிலாக, ஏழை,எளியவர்களுக்கு நிவாரணம் அளிப்பதற்காக,நாம் பணத்தை அளிக்க வேண்டும்.நல்ல மற்றும் சீரிய காரணங்களுக்காக உங்களது பணத்தைக் கொடுப்பது மட்டுமே, ஆசைகளுக்கு வரம்பு எனக் கடைப்பிடிப்பது என்று எண்ணும் தவறைச் செய்யாதீர்கள்.வாடுவோருக்குக் கொடுப்பது நல்லது தான் என்றாலும்,உங்களது சொந்த ஆசைகள் பெருகிக் கொண்டே போவதை நீங்கள் தடுக்க வேண்டும் என்பது அதே அளவு முக்கியமானதாகும்; இரண்டும் நடக்க வேண்டும். நீங்கள் உங்களது ஆசைகளைக் கட்டுப் படுத்த வேண்டும், ஏனெனில்,உலகியலான ஆசைகள் அமைதியற்ற மற்றும் பேராபத்தான வாழ்க்கைக்கு இட்டுச் செல்லும்.ஆசைகள் சிறையைப் போன்றவை.உங்களது தேவைகளைக் கட்டுப்படுத்துவதால் மட்டுமே நீங்கள் விடுதலை பெற முடியும்.உங்களுக்கு வாழ்க்கையில் எவ்வளவு தேவையோ, அந்த அளவு மட்டுமே அவற்றை வைத்துக் கொள்ளுங்கள்.''ஆசைகளுக்கு வரம்பு'' என்பதன் உண்மையான அர்த்தம் இதுவே.