ஸாத்வீகமான உணவில்,காரம் மற்றும் உப்பு குறைவாகவும்,புளியின் அளவும் குறைவாகவும் இருக்க வேண்டும்.அது மட்டும் அல்ல,அதில் எண்ணெய் அதிகமாக இருக்கக் கூடாது;புதியதாகவும்,கெட்டுப் போகாமலும் இருக்க வேண்டும்.(காலையில் தயாரிக்கப் பட்ட உணவை மாலையில் உண்ணக் கூடாது). இதுவே ஸாத்வீகமான உணவு.சிலர் பால் ஸாத்வீகமானது என நினைக்கிறார்கள்.சந்தேகத்திற்கு இடமின்றி,பால்,தயிர்,பழங்கள் ஆகியவை இயற்கையில் ஸாத்வீகமானவையே,ஆனால் அவற்றை அளவுக்கு மீறி உண்டால் அவையே தாமஸிகமானவையாக ஆகி விடுகின்றன;மேலும் ஒருவரை சோம்பேறியாகவும்,தூங்கு மூஞ்சிகளாகவும் ஆக்கி விடும்.நாம் தயிரை அதிகமாக எடுத்துக் கொண்டால்,நாம் தாமஸிகமாக ஆகக்கூடும். எனவே பால் அல்லது தயிரை அதிக அளவு எடுத்துக் கொள்வதைக் குறைத்துக் கொள்ளுங்கள்.ஒரு அளவு பாலுக்கு அதே அளவு தண்ணீரைக் கலந்து கொள்வது நல்லது.நீங்கள் உண்ணும் உணவு தார்மீகமான வழியில் சம்பாதிக்கப் பட்டும்,தயாரிக்கப் பட்டதாகவும்,உண்பதற்கு முன் இறைவனுக்கு அர்ப்பணம் செய்யப் பட்டதாகவும் இருக்க வேண்டும்.அதன் பின்னரே, மனிதருள் ஸாத்வீக எண்ணங்கள் உருவாகும்.உணவு அதர்மமான வழியில் சம்பாதிக்கப் பட்டிருக்குமானால்,அது தீய உணர்வுகளையே தோற்றுவிக்கும்.