சிருஷ்டி அனைத்தும் சத்தியத்தை ஆதாரமாகக் கொண்டது.எங்கு சத்தியம் இருக்கிறதோ,அங்கு வளமும்,ஐஸ்வர்யமும் இருப்பதை நீங்கள் காணலாம். தாற்காலிகமான உடல் சௌகரியங்களையும்,உலகியலான சுகங்களையும் அனுபவிப்பதற்காக ஏற்பட்டது அல்ல மனித வாழ்க்கை.அது பிற உலகனைத்திற்கும் ஒரு இலட்சியமாக இருக்க வேண்டிய ஒன்று. உங்களையே நீங்கள் கேட்டுக் கொள்ளுங்கள், '' இவ்வளவு காலம் வாழ்ந்த நான் எந்த இலட்சியத்தை நிலை நாட்டி அடைந்திருக்கிறேன் ?''நீங்கள் உங்கள் வாழ்க்கையில் சில நல்ல காரியங்களைச் செய்திருக்கலாம்,ஆனால் அவை எல்லாம் நீங்கள் செய்திருக்கக் கூடிய தீய செயல்களின் எண்ணிக்கைகளின் முன்னால் அடி பட்டுப் போயிருக்கக் கூடும்.இது ஒரு மனிதனுடைய பண்பு அல்ல.நல்ல எண்ணங்களை வளர்த்துக் கொண்டு, நல்ல வார்த்தைகளையே பேசி, நற்செயல்களையே ஆற்றுங்கள்.அதுவே உண்மையான மனிதத்துவம்.நாம் இன்றும் பண்டைய ரிஷிகளையும், முனிவர்களையும்,அவர்கள் ஆற்றிய நற்பணிகளின் காரணமாக,நினைவு கூறுகிறோம்.நீங்கள் மற்றவர்கள் உங்களுக்கு என்ன செய்ய வேண்டும் என விரும்புகிறீர்களோ, அதை நீங்கள் அவர்களுக்கு ஆற்றுங்கள்.கண் மூடித் தனமாக உங்களது மனதைப் பின்பற்றாதீர்கள் ,ஏனெனில் மனம் ஒரு பித்துப் பிடித்த குரங்கைப் போன்றது.உங்கள் மனச்சாட்சியைப் பின்பற்றுங்கள். ப்ரேமையே இவை அனைத்தின் ஆதார ஊற்று. எனவே,ப்ரேமையில் தோய்ந்த வாழ்க்கையை நடத்துங்கள்.