நீங்கள் உங்களது உண்மையான அடையாளம் என்ன என்பதை அறிந்து கொள்ளவில்லை என்றால், அனைத்து ஆன்மீக சாதனைகளும் வீணே. மற்றவர்களை,'' நீங்கள் யார் ?'' என்று கேட்பதற்கு பதிலாக. உங்களையே, நீங்கள்,'' நான் யார்?'' என வினவுங்கள்.நாம்,''இது எனது புத்தகம்,இது எனது டம்ளர்'' என்கிறோம். பின்,'' நான் யார்?''.'' எனது'' என்ற உணர்வு மாயையே. இந்த ''எனது'' என்ற அனைத்தும் பொருட்களைச் சார்ந்தவை;அவை எதிர்மறையானவை. நீங்கள் இந்த உலகியலானவற்றின் எஜமானன் என்று உங்களைக் எண்ணிக் கொண்டு இருக்கிறீர்கள். மனதை வெல்லுங்கள், மகத்தான மனிதராகத் திகழுங்கள் ! உங்களது உண்மையான அடையாளத்தைத் தெரிந்து கொள்ள முயற்சி எடுங்கள்.இதைத் தெரிந்து கொள்ள முதலில் உடற்பற்றினை விட வேண்டும். நான், ''இது எனது கைக்குட்டை'' என்று சொல்லும் போது, நான் கைக்குட்டையிலிருந்து வேறானவன் என்பது புலனாகிறது.அதைப் போலவே,'' இது எனது உடல்'' என்று கூறும்போது, நான் உடலிலிருந்து வேறு பட்டவன் என ஆகிறது. நான், '' எனது மனம்'' என்று கூறும்போது,நான் மனதிலிருந்து வேறுபட்டவன் என்றாகிறது. அப்படி என்றால் ''நான்''யார்? இந்த முறையில் செய்யப்படும் இடையறாத ஆய்வு,உங்களைத் தன்னை உணரும் நிலைக்கு இட்டுச் செல்லும்.