மனிதர்கள் உடலால் கவரப்பட்டு,உள்ளுறையும் தெய்வீகத்தை மறந்து விடுகிறார்கள்.இறைவன் பால் வலுவான நம்பிக்கை கொண்டு இருங்கள். தாற்காலிகமான இந்த உடல் மீது நம்பிக்கை வைக்காதீர்கள்.உடல் ஒரு நீர்க்குமிழி போன்றது,மனம் ஒரு பித்துப் பிடித்த குரங்கைப் போன்றது. உடலைப் பின்பற்றாதீர்கள், மனதைப் பின்பற்றாதீர்கள்.உங்களது மனச்சாட்சியை பின்பற்றுங்கள்.அதுவே தெய்வீக ஆத்ம தத்துவம்.உங்களது மனச்சாட்சியை பின்பற்றினால் மட்டுமே,நீங்கள் தெய்வீகத்தை அனுபவிப்பீர்கள். அனைவரையும் நேசியுங்கள் ஆனால் ஒருவர் மீதும் முழு நம்பிக்கை வைக்காதீர்கள். நீங்கள் உங்களது முழு நம்பிக்கையை இறைவன் மீது மட்டுமே வைக்க வேண்டும். காரணம் என்ன?ஏன் நீங்கள் பிறரின் மீது முழு நம்பிக்கை வைக்கக் கூடாது?ஏனெனில் மனிதன் அநித்யமானவன். இறைவன் அன்பை மட்டுமே எதிர்பார்க்கிறான்.நீங்கள் அன்பை எளிதாக வளர்த்துக் கொள்ள முடியும்.அன்பு உங்களுள்ளேயே இருக்கிறது,அதை அபிவிருத்தி செய்து கொள்ளுங்கள்.நீங்கள் இந்த அன்பை ஒவ்வொருவருடனும் பகிர்ந்து கொள்ள வேண்டும்.உங்களை வெறுக்கும் ஒருவரைக் கூட நேசியுங்கள்.உங்களுக்குத் தீங்கு இழைத்தவர்களுக்கு நீங்கள் தீங்கு இழைப்பது ஒன்றும் பெரிய விஷயமில்லை. உண்மையான பெருமை, உங்களுக்குத் தீங்கு இழைத்தவர்களைக் கூட நேசிப்பதில் தான் இருக்கிறது.