சூரியன் இருப்பதால் மட்டுமே பூமியில் வாழ்க்கை சாத்தியமாகிறது. அர்த்தமற்ற வாழ்க்கை மற்றும் முடிவில்லாத வீண் வேலைகள் என்ற சூழலில் சிக்கித் தவிக்கும் மனித குலத்திற்கு,சூரிய பகவான் ஓய்வற்ற மற்றும் தன்னலமற்ற சேவையின் தலை சிறந்த உதாரணமாகத் திகழ்கிறான். வேலையிலிருந்து ஓய்வு என்பதே அவனுக்கு இல்லை. அவன் புகழ்ச்சி மற்றும் இகழ்ச்சிக்கு அப்பாற் பட்டவராக இருக்கிறான். அவன் தனது கடமைகளை முழுமையான சமநிலையோடு ஆற்றுகிறான். அவன் செய்யும் ஒவ்வொன்றும் உலக நன்மைக்காக மட்டுமே அன்றி எந்தத் துன்பமும் விளைவிப்பதற்காக அல்ல. இவ்வாறு சூரிய பகவான், எந்த இறுமாப்பும் இன்றி பணிவான பக்தியுடன் கடமை ஆற்றுவதன் தலை சிறந்த உதாரணத்தை அறிவுறுத்துகிறான். ஒவ்வொருவரும், சூரியனைப் போல, தங்கள் கடமைகளை பக்தி, சிரத்தையுடன் எப்படி ஆற்றுவது என்பதைக் கற்றுக் கொள்ள வேண்டும். பகவான் ஸ்ரீகிருஷ்ணர், ஸ்ரீமத் பகவத் கீதையில் சுட்டிக் காட்டுவதைப் போல ஒருவர் தனது கடமையை ஆற்றுவதே மிகச் சிறந்த யோகமாகும். எனவே, உங்களது செயல்களும், எண்ணங்களும் நல்லவையாக இருக்கட்டும்.நீங்கள் பின்னர் தெய்வீக ஆனந்தத்தை அனுபவிப்பீர்கள்.