தினசரி வாழ்க்கையில் ஒழுக்கத்தைக் கடைப்பிடித்தல்,வாழ்க்கை சம்பந்தப்பட்ட அனைத்து செயல்கள் மற்றும் எண்ணங்களை தெய்வீகமாக்குதல், இலட்சியங்களை பின்பற்றுதல்-இவை அனைத்தும் சேர்ந்து தான் கலாசாரம் எனப்படுகிறது.எது உலகைப் புனிதப் படுத்தி,ஒரு நாட்டின் உயர்வு மற்றும் மஹிமையை மேம்படுத்தி,தனி மனிதன் மற்றும் சமுதாயத்தை ஒரு உயர்நிலைக்கு எடுத்துச் செல்லுகிறதோ, அதுவே கலாசாரமாகும். ஒரு பொருள் அல்லது வாழ்க்கையின் உபயோகத்தை மேம்படுத்துவதற்கு, அதை செம்மைப் படுத்தும் அல்லது மாற்றும், செயல்பாடு இன்றியமையாதது. உதாரணமாக,நெல்லை ஆலையில் இட்டு, அதன் உமியை நீக்கினால் தான் அரிசி சமைப்பதற்கு உகந்ததாகிறது. இதுவே ஸம்ஸ்க்ருதி அல்லது மாற்றம் எனப்படுகிறது. அதாவது வேண்டாதவற்றை நீக்கி,தேவையானவற்றைத் தக்க வைத்துக் கொள்வதாகும். மனிதர்களைப் பொறுத்த வரை, ஸம்ஸ்க்ருதி ( கலாசாரம் ) என்பது ,தீய குணங்களை விட்டொழித்து, ஒழுக்கத்தை வளர்த்துக் கொள்வதாகும்.எவன் ஒருவன் நல்ல எண்ணங்களையும், நன்னடைத்தைகளையும் வளர்த்துக் கொண்டுள்ளானோ, அவனே கலாசாரமுள்ள மனிதன்.