மனித வாழ்க்கை மிகவும் புனிதமானதும்,விலைமதிக்க முடியாததும், தெய்வீகமானதும் ஆகும்.அதை புனிதமற்ற செயல்களில ஈடுபடுவதன் மூலம் வீணடித்து விடாதீர்கள்.நீங்கள் வெளியில் காணும் அனைத்தும், உங்களது உள்ளார்ந்த உணர்வுகளின் பிரதிபலிப்பு,பிரதிசெயல் மற்றும் பிரதிஒலியே.பத்து புலன்களைக் கட்டுப் படுத்துவதன் மூலம் வாழ்வை சரியான முறையில் வாழ வேண்டும்.இனிமையாகவும்,மிருதுவாகவும் பேசுங்கள். நீங்கள் எல்லாச் சமயங்களிலும் உதவ முடியாமல் போகலாம், ஆனால் இதமாகப் பேசுங்கள். அனைத்து ஜீவராசிகளின் நலனுக்காக ப்ரார்த்தியுங்கள். அனைவருக்கும் சேவை ஆற்றுவதன் மூலம்,உங்கள் புலன்களைப் புனிதப்படுத்துங்கள். புலனடக்கத்தின் மூலம் நீங்கள் வாழ்க்கையில் எதையும் சாதிக்கலாம்.நீங்கள் பத்து மூட்டை அரிசியைத் தானமாகக் கொடுத்தும்,500 பேருக்கு உடைகள் வினியோகம் செய்து விட்டதாகவும் நினைக்கலாம்.இந்தக் கணக்கை எல்லாம் நீங்கள் வருமான வரித் துறையினரிடம் கொடுக்கலாமே அன்றி இறைவனிடம் இல்லை. இறைவன் அளவைப் பார்ப்பதில்லை;உங்களது செயல்களின் பின்னர் உள்ள உணர்வுகளையே கவனிக்கிறான்.எனவே,நீங்கள் செய்யும் தான தர்மங்கள் எதுவாக இருந்தாலும்,அவற்றை அன்பு மற்றும் தியாக உணர்வுடன் செய்யுங்கள்.