மனிதர்கள் இறைவனை பக்தி,சிரத்தையோடு வழிபடுகிறார்கள்,,ஆனால் இறைவன் வெளிப்படையான வழிபாட்டால் திருப்தி அடைவதில்லை. நீங்கள் சமுதாயத்திற்குச் சேவை செய்ய வேண்டும்.சேவை மட்டுமே உங்களுக்கு ஆனந்தத்தைத் தர முடியும்.சமுதாயத்திற்குச் சேவை ஆற்றுவதன் மூலம், நீங்கள் மக்களின் துயரங்களைத் தீர்த்து,அவர்களது வாழ்வில் மறுமலர்ச்சி கொண்டு வர முடியும். ''யத் பாவம், தத் பவதி''-உணர்வு எப்படியோ,விளைவு அப்படியே. புனிதமான உணர்வுகளோடு , நீங்கள் சேவை ஆற்றும் போது, அது புனிதமான விளைவுகளையே தரும். சமுதாயத்திற்கு உங்களால் முடிந்த அளவு சேவை ஆற்றுங்கள். பஜன்களில் பங்கேற்கும்போது உங்களுக்குக் கிடைக்கும் திருப்தி தாற்காலிகமானதே; ஆனால்,,சேவை உங்களுக்கு நிரந்தரமான திருப்தி அளிக்கிறது. காலம் என்பது இறைவன் அளித்துள்ள விலையுயர்ந்த பரிசாகும், ஆனால்,நீங்கள் அதை தரமற்ற பொழுது போக்குகளிலும், புனிதமற்ற உணர்ச்சிகளிலும் வீணடிக்கிறீர்கள். சேவையின் மூலம் மட்டுமே, நீங்கள், கவலைகள், அஹங்காரம், படாடோபம் மற்றும் பிற தீய குணங்களைக் களைய முடியும்.