நீங்கள் ஆன்மீக ஒருமை உணர்வினை வளர்த்துக் கொள்ள வேண்டும்.அந்த ஒருமை உணர்விலிருந்து அன்பு வளரும்.அன்பு மட்டுமே இந்த மனிதகுலம் அனைத்தையும் ஒன்றாகப் பிணைக்க வல்லது.பிரசாந்தி நிலய வளாகத்தில் நீங்கள் என்ன காண்கிறீர்கள்?ஜப்பான்,இந்தோனீஷியா,மலேஷியா மற்றும் உலகின் அனைத்து பாகங்களிலிருந்தும் வரும் மனிதர்களைக் காண்கிறீர்கள். இந்தச் சிறிய கிராமத்திற்கு அவர்கள் அனைவரையும் ஒன்றாக அழைத்து வந்தது எது?அது அன்பு மற்றும் அனைவருடனும் பகிர்ந்து கொள்ளப்படும் ஒருமை மனப்பாங்கு மட்டுமே.வாழ்வின் ஆனந்தம் அன்பில் உறைகிறது; அதுவே உங்களக்குத் தூய்மையான ஆனந்தத்தை அளிக்கிறது. உங்களது வாழ்க்கை இந்த ப்ரேம அலைகளில் தாண்டவம் ஆடும்போது, முழுமை பெறுகிறது. ப்ரேமையும்,த்யாகமுமே வாழ்வின் மிக முக்கியமான இரு கோட்பாடுகள். உங்களை வெறுப்பவர்களைக் கூட நேசியுங்கள்.அதுவே உங்களது பக்தியின் அடையாளம். சாந்தி, சத்யம் மற்றும் ப்ரேமை ஒவ்வொரு ஜீவராசிக்குள்ளும் இருக்கிறது. அவற்றை நீங்கள் ஏன் வெளியில் தேடுகிறீர்கள்? உங்களுள் உறையும் இந்த குணங்களை வெளிப்படுத்துங்கள். சகிப்புத் தன்மையையும்,கருணையையும் வளர்த்துக் கொள்ளுங்கள்.இதுவே ப்ரேம தத்துவத்தைப் பேணுவதற்கான வழி.