எவ்வாறு ஒரு குழந்தைக்குத் தன் தாயிடமிருந்து பால் அருந்தும் உரிமை இருக்கிறதோ,அவ்வாறே இயற்கையின் வளங்களை மனிதன் அனுபவிப்பதில் எந்த ஆட்சேபணையும் இருக்க முடியாது.ஆனால் கட்டுக்கடங்காத ஆசைகள் மற்றும் இயற்கை வளங்களைப் பொறுப்பற்ற முறையில் சுரண்டுவதன் காரணமாக, இயற்கை பலவிதமான பயங்கரமான சீர்குலைவுகளை வெளிக்காட்டுகிறது. இயற்கைப் பேரிடர்களான நிலநடுக்கம்,எரிமலைச் சீற்றங்கள், பஞ்சம் மற்றும் வெள்ளப்பெருக்கு ஆகியவை,இப்படிப் பட்ட பொறுப்பற்ற சுரண்டுதல்களின் விளைவால் இயற்கையின் சமநிலையில் ஏற்படும் கலக்கங்களாகும். தான் அமர்ந்திருக்கும் மரக்கிளையையே கோடாலியால் வெட்டும் முட்டாள் மனிதனைப் போன்று, இன்று மனிதகுலம் இருக்கிறது.நீங்கள் ஆன்மீக ஒருமை உணர்வை வளர்த்துக் கொள்ள வேண்டும். அந்த ஒருமை உணர்வின் காரணமாக அன்பு வளரும். மனிதன் இன்று இந்த ஒருமை உணர்வை அறியவில்லை. '' மனிதன்'' வெறும் உடம்பு மட்டுமல்ல.ஒருவருக்கு மனம்,புத்தி மற்றும் ஆத்மா உள்ளது.இந்தக் கூறுபாடுகளின் சமநிலை பாதிக்கப்படும் போது,மனிதர்கள் துயரங்களில் மூழ்க நேரிடுகிறது.அதே சமயம்,சமநிலை இருக்கும்போது, மனித நேயம் மலருகிறது.