ஜபம் மற்றும் தியானத்தைப் பித்துப் பைத்தியம் பிடித்தவர்களின் பொழுது போக்கு என்று கருதாதீர்கள்.அவற்றைக் கெட்டியாகப் பிடித்துக் கொள்ளுங்கள்; அவை மட்டுமே, உங்களை அழிவில் இருந்து காப்பாற்ற முடியும். சில காசுகளுக்காகக் கடையில் வாங்கப்பட்ட பூக்களை அல்லாது, உங்களது நற்குணங்கள் என்ற மலர்களை இறைவனுக்கு அர்ப்பணியுங்கள்.ஆனந்தக் கண்ணீரே, நீங்கள் இறைவனது திருப்பாதங்களில் பொழிய விழையும் புனித நீராகட்டும். நீங்கள் போற்றும் இறை உருவம், அது ஹனுமானாகட்டும் அல்லது ஸ்ரீகிருஷ்ணராகட்டும் அல்லது ஏசுபிரானாகட்டும், அதுவே அனைத்து தெய்வீக ரூபங்களையும் தன்னுள் கொண்டது எனக் கருதுங்கள்.மற்றைய இறை ரூபங்கள் தாழ்ந்தவை, நீங்கள் ஆராதிக்கும் இறை ரூபமே உயர்ந்தது என வாதிக்காதீர்கள். ஒவ்வொரு இறை ரூபமும் சமமான இனிமை கொண்டவை என்பதை உணர்ந்திருங்கள்.