நீங்கள் எப்போதாவது இறைவனது,'' விஸ்வ விராட் ஸ்வரூபத்தைக்'' கற்பனை செய்து பார்த்திருக்கிறீர்களா? நிலம், நீர், காற்று போன்றவற்றை அதில் காணலாம். இந்த பிரபஞ்சம் பஞ்ச பூதங்களால் ஆனது;அந்த பஞ்ச பூதங்கள் உங்களுள்ளும் இருக்கின்றன.எனவே, நீங்களே அந்த '' விஸ்வ விராட் ஸ்வரூபம்''. இறைவன் உங்களுள்ளும்,ஒவ்வொருவர் உள்ளும் உறைகிறான். எனவே, பிறரைத் துன்புறுத்துவது,இறைவனைத் துன்புறுத்துவதற்கு ஒப்பாகும். பிறரை விமரிசித்து, அவர்களிடம் குறை காணாதீர்கள். அனைவரையும் நேசியுங்கள்,அனைவருக்கும் சேவை செய்யுங்கள். முதன் முதலில் உங்களது பெற்றோரை மதித்து,போற்றி,வணங்குங்கள்.அவர்களே உங்களது வாழ்க்கையின் உண்மையான செல்வங்கள்.உங்களது பெற்றோரின் ஆசிகள் உங்களுக்கு ஆரோக்யத்தையும், ஐஸ்வர்யத்தையும் அளிக்கும் . உங்களது பெற்றோரை நேசித்து அவர்களுக்கு சேவை செய்தால் இறைவன் தானே, உங்களிடம் வருவான். நீங்கள் இறைவனைத் தேடிச் செல்ல வேண்டாம்; அவனே உங்களைத் தேடி வரச் செய்ய வேண்டும்.ஒருவர் தனது மனைவியைத் தேர்ந்தெடுக்கலாம்;ஆனால் தனது பெற்றோர்களை அல்ல. இறைவன் மட்டுமே( மனித உருவில் அவதாரம் எடுக்கும்போது) தனது பெற்றோரைத் தேர்ந்தெடுக்கிறான்.நீங்கள் உங்களது பெற்றோரின் ஆசிகளைப் பெற்று,இந்த உலகிற்கே ஒரு இலட்சிய மனிதராகத் திகழ வேண்டும் என நான் விரும்புகிறேன்.