சந்தோஷமாகவும்,துக்கமின்றியும் வாழ்வது எப்படி என்று விளக்கும் புத்தகங்களுக்குக் குறைவே இல்லை;ஆயிரக்கணக்கான அளவில் அதன் பதிப்புகள் வாங்கப்படுகின்றன.ஆனால்,அந்தப் புத்தகங்களில் உள்ளவற்றைப் படித்து, அதை மனதில் வாங்கிக் கொண்டதாகத் தெரியவில்லை.இந்தப் புத்தகங்களைப் படிப்பவர்களின் பழக்கங்கள்,நடத்தை மற்றும் குணாதிசியங்களில் எந்த நல்ல மாற்றமும் இல்லை.அஹங்காரம் மற்றும் பேராசை இன்னும் தாண்டவமாடுகின்றன; த்வேஷம் குறையவில்லை; பொறாமை சமுதாயத்தின் ஜீவாதாரங்களை விழுங்கிக் கொண்டு இருக்கிறது. இப்போதிலிருந்து, எனது வார்த்தைகளை சாதாரணமாக எடுத்துக் கொள்ளாதீர்கள்.குறைந்த பட்சம் ஒரு அறிவுரையையாவது வாழ்க்கையில் நடைமுறைப் படுத்த முடிவு செய்யுங்கள்.நீங்கள் ஒவ்வொருவரும், உலகியலான பொருட்களின் மீது கொள்ளும் பற்றினால் துன்பம் ஆடையாமல் இருக்க, உங்களது மனப்பாங்கை ஆராய்ந்து, நீங்கள் வைராக்யம் என்ற ஆடையை அணிவதற்குத் தேவையான அளவு, விவேகம் மற்றும் விஞ்ஞானத்தை பயன்படுத்துகிறீர்கள் என்பதை உறுதி செய்து கொள்ளுங்கள்.