ஒரு சமயம் ஒரு கஞ்சன் ஒழுகுகின்ற கூரை உள்ள வீட்டில் வசித்து வந்தான். மழைத் தண்ணீர் கூரை வழியாக அவன் வீட்டிற்குள் கொட்டித் தீர்த்தது;இரவு முழவதும் அவர் உட்கார்ந்து கொண்டே கழித்தான்.பக்கத்து வீட்டுக்காரர்கள், அவனது நிலையைக் கண்டு,அவன் தனது கூரையை பழுது பார்த்துக் கொள்ளுமாறு அறிவுறுத்தினார்கள். அதற்கு,அந்தக் கஞ்சன்,'' மழை நிற்கட்டும்; இப்போது நான் அதை எவ்வாறு சரி செய்ய முடியும்?'' எனக் கேட்டான்.மழை நின்ற பின், '' மழை தான் இப்போது நின்று விட்டதே,நான் ஏன் இப்போது கூரை ஒழுகுவதைப் பற்றிக் கவலைப் பட வேண்டும்?'' என பதிலளித்தானாம். இப்படிப் பட்ட அணுகுமுறையைக் கடைப் பிடிக்காதீர்கள்.மழை வரும்போது அவதிப்படுவதற்குப் பதிலாக,(கண்டிப்பாக அவதிப்படத்தான் போகிறான்) இப்போதே,கூரையைப் பழுது பார்ப்பது புத்திசாலித்தனம் இல்லையா?இந்த உதாரணம், மேலும் ஒரு கணம் கூடத் தாமதிக்காமல்,ஆன்மீக முதன்மைப் பாட நூல்கள் மற்றும் சாஸ்திரங்களைப் பற்றி அறிந்து கொள்வதில் நீங்கள் முக்கியத்துவம் அளிக்க வேண்டுவதை அறிவுறுத்துகிறது.இப்போதே, மௌனம்,பிரார்த்தனை மற்றும் இறைநாமஸ்மரணையின் முதல் பாடங்களைத் தொடங்குங்கள்.ஆன்மீகப் பயணத்தில் மிக முன்னதாகவே தொடங்கி விட்டோம் என்பதே இல்லை.