சந்தோஷமாக வாழ்க்கை நடத்துவது மற்றும் எப்போதும் ஆனந்தமாக இருக்கும் கலையைப் பற்றிக் கற்றுக் கொள்வதில் ஆர்வத்துடனும்,அக்கறையுடனும் இருங்கள். மனிதர்கள் நன்கு உடைகள் அணியும் போதும்,பகட்டான ஆடைகளை உடுத்திக் கொள்ளும போதும்,ஊர் சுற்றும்போதும் மகிழ்ச்சி அடைகிறார்கள். சில சமயங்களில் இது, இவற்றை வாங்க முடியாத சிறுவர்களுடையே பொறாமையை உண்டாக்கலாம்;அதைக் கண்டு ஒருவர் பெருமிதம் கூட அடையக் கூடும்.உங்களது மனதின் அலைபாயும் தன்மையைக் கட்டுப் படுத்தி, உங்களது நண்பர்கள் என்று கூறப் படுபவர்களின் எள்ளி நகையாடல்களையையும் கூட பொருட்படுத்தாது உங்களது உணர்வுகளை நேர்மையான மற்றும் ஆரோக்யமான வழிகளில் இட்டுச் செல்லும் போது மட்டுமே, நீங்கள் நியாயமாக பெருமிதம் கொள்ள முடியும். அதுவே உண்மையான சுதந்திரம்;அதுவே உண்மையான வெற்றி. அந்த நிலையை அடையும் போது தான்,நீங்கள் எந்தச் சாலையானாலும், எவ்வளவு விலை உயர்ந்த சரக்கை ஏற்றிச் செல்ல வேண்டி இருந்தாலும், வாகனத்தை நம்பிக்கையுடன் ஒப்படைக்க வல்ல ,அனுபவமுள்ள வாகன ஓட்டியைப் போல ஆகிறீர்கள்.இப்போது தான் நீங்கள் உங்களுக்கோ அல்லது மற்றவர்களுக்கோ தீங்கு இழைக்காமல் இருப்பதில் பயிற்சி பெற்றவர்கள் ஆகிறீர்கள்.இந்த நிலையில் தான்,உண்மையிலேயே,நீங்கள் ஒரு தலைவன் ஆவதற்கான தகுதியைப் பெறுகிறீர்கள்.