ஈரமான நிலமே மழை பொழிந்ததற்கான நிச்சயமான அறிகுறி.அதைப் போலவே, பல வருடங்கள் பள்ளியில் பயின்று கற்றறிந்த ஒருவரின் அடையாளம் நற்பண்புகளே.இப்படிப் பட்ட மனிதர்,எத்தனையோ வருடங்கள் கல்வி கற்றிருந்ததாலும், அறிவு என்பது பரந்து விரிந்த ஒன்று; ஒருவர் கற்றது அதன் விளிம்பளவே என்பதை உணர்ந்து பணிவுடன் இருப்பார்.( கற்றது கைமண் அளவு, கல்லாதது உலகளவு). அவர்கள், அனைத்து ஜீவராசிகளுடனும் தங்களுக்கு உள்ள உறவை உணர்ந்து, எப்பொழுதும், எந்த விதமான விளம்பரத்திலும் விருப்பம் இன்றி,மற்றவர்களுக்கு சேவை செய்வதில் ஆர்வம் காட்ட வேண்டும். படித்த குழந்தைகள்,ஒவ்வொருடனும் நட்புணர்வுடன், எந்தவிதமான சங்கோஜமும் இன்றி, அனைவருள்ளும் இயங்கும் சக்தி அந்த இறைவனே என்பதை அறிந்து, பழக வேண்டும். அனைத்து விதமான பயனுள்ள மனப்பாங்குகள் மற்றும் நல்ல உந்துதல்களின் பின்னால் இருப்பவன் இறைவனே.நீங்கள் அனைவரும் தனித் தனியான, ஆனால், ஒரே பொதுவான இறைவன் எனும் நூலிழையில் கோர்க்கப் பட்டுள்ள மணிகளே.