வெறுப்பு என்பது இறைவனது இயல்பிலேயே இல்லை;அவன் கருணையும் அன்பும் நிறைந்தவன்! பகவான் ஸ்ரீகிருஷ்ணர்,கௌரவர்களது சபைக்கு, கஷ்டமான மற்றும் தூண்டப்படும் சமயங்களிலும்,எவ்வாறு ஒருவர் பொறுமையுடனும், சுயக் கட்டுப்பாட்டுடனும் இருக்க வேண்டும் என்பதை எடுத்துக் காட்டும் வண்ணம், சமாதானத் தூதராக சென்றார். இறைவனுக்கு விருப்பு,வெறுப்புக்களே கிடையாது.நெருப்பைப் போல, அவன் தன் அருகாமையில் இருக்கும் ஒவ்வொருவருக்கும் இதமான சூட்டினை அளிக்கிறான். அதை நீங்கள் உணர முடியவில்ல என்று சொன்னால்,அவனைக் குறை கூறாதீர்கள்;நீங்கள்,அவனிடமிருந்து மிகவும் விலகி இருக்கிறீர்களே என, உங்களையே நொந்து கொள்ளுங்கள் !ஹிரண்யகசிபு," இறைவன் எங்குமே இல்லை" என்றான்;எனவே,அவனுக்கு இறைவன் எங்கும் புலப்படவில்லை. பிரஹலாதனோ, '' இறைவன் எங்கும் உள்ளான் '' எனச் சாதித்தான்; இறைவன் அவன் கூறுவது சத்தியம் என நிரூபிப்பதற்காக, தூணிலிருந்து தோன்றினான். அவனது தந்தையின் சவாலுக்குப் பதிலளிக்க, இறைவன் தூணிலிருந்து வெளிப்படுவதற்காக,அதற்குள் ஓட வேண்டி இருக்கவில்லை. இறைவன் எங்கும் இருப்பதைப் போல,எப்போதும் அதனுள்ளும் இருக்கத் தான் செய்தான்.தன்னை வெளிக்காட்டிக் கொள்வதை மட்டும் தான் அவன் செய்ய வேண்டி இருந்தது! இறைனை உங்களது சாரதியாக ஏற்றுக் கொள்ளுங்கள். தாங்கமுடியாத சோதனைகளில் கூட உங்களை, அவன் வழி நடத்திச் செல்வான்.