சிலர், முற்பிறவிகளில் செய்த கர்மாவின் பலனை இந்தப் பிறவியில் அனுபவித்துத் தான் ஆக வேணடும்;எவ்வளவு இறை அருளும் உங்களை அதிலிருந்து காப்பாற்ற முடியாது என வாதிக்கலாம்.யாரோ ஒருவர் உங்களை அவ்வாறு நம்பச் செய்திருக்கிறார் என்று தெரிகிறது. இறைவனது அருளுக்கு வரையோ,வரம்போ கிடையாது !நீங்கள் அவ்வாறு கர்ம பலனை அனுபவிக்க வேண்டும் என்பதில்லை என நான் உங்களுக்கு உறுதி கூறுகிறேன்.நீங்கள் மிகுந்த வலியினால் அவதிப்படும்போது, மருத்துவர் உங்களுக்கு வலியை நீக்கும் ஊசியைப் போடுகிறார்; அதனால்,அந்த வலி உடலில் இருந்தாலும் கூட , நீங்கள் அதை உணர்வதில்லை. இறைவனது அருளும் அதைப் போன்றதே. இறை அருளின் வழியில் எதுவும் தடையாக இருக்க முடியாது. நீங்கள் இறைவனது அருளைப் பெற்று விட்டால், கர்மாவை அனுபவித்துக் கொண்டு இருந்தாலும்,நீங்கள் அதன் வலியை உணர மாட்டீர்கள். காலாவதியான மருந்துகள் எவ்வாறு பயனளிக்க முடியாமல் போகிறதோ, அவ்வாறே கர்ம பலன்களும் செயலிழந்து, ஒன்றும் இல்லாமல் போய்விடும் !