இலட்சியம் கொண்டவர்கள் மட்டுமே மதிக்கப் பட்டு,வருங்காலச் சந்ததியினரால் நன்றியுடன் நினைவுகூறப் படுகிறார்கள் என்பதை மனதில் கொள்ளுங்கள்.நாம் ஸ்ரீராமரை மதித்து அவரை வழிபடுகிறோம்; அதே சமயம் மங்களகரமான சந்தர்ப்பங்களில் இராவணனைப்பற்றிக் குறிப்பிடுவதைத் தவிர்க்கிறோம். ஏன்? அவர்கள் காட்டிய குணாதிசியங்களினால் தான்.எனவே, நீங்களும் உறுதியுடன் படிப்படியாக வலுவான நற்பண்புகளை உருவாக்கிக் கொள்வதில் முன்னேற வேண்டும்.ஒரு படி ஏறும் போது,இரண்டு படி கீழே சறுகி விழுந்து விடும் ஆபத்தை உணர்ந்திருங்கள் -கீழே சரிவதை நீங்கள் தடுக்க முடியும் ! ஏற வேண்டும் என்ற உறுதியும், உயர்ந்து முன்னேறி, உங்களது கீழ்தரமான உணர்வுகளையும், உந்துதல்களையும் வெல்ல வேண்டும் என்ற தாபமும் உங்களுக்கு இருக்குமானால்,பின்னர் உங்களுள் மறைந்திருக்கும் சக்தி ஊற்றாகப் பெருக்கெடுத்து வரும்.இறைனது அருள் உங்களது பாதையை மிருதுவாக்கும். உங்களது இலட்சியத்தை, உங்கள் முன் வைத்து, முன்னேறுங்கள் !