உடல், மனம்,மற்றும் புத்திகளிலிருந்து ஒருவர் அடையும்,சந்தோஷம் தாற்காலிகமானது.நற்செயல்கள்,சொர்க்கத்தை அளிக்கலாம்;ஆனால் அதுவும் ஒரு மனிதர் இந்த உலகில் மறுபடியும் பிறவி எடுத்து வருவதற்கு முன்பாக இருக்க வேண்டிய தற்காலிகமான ஒரு வீடுதான். இது, தாற்காலிகமான ஒரு சமூகப் பதவிக்குத் தேர்ந்தெடுக்கப் படுவதற்கு ஒப்பாகும்.தனக்குச் சாதகமாகக் கிடைத்த ஓட்டுக்களின் காரணமாக,அந்தப் பதவிக் காலம் வரை, ஒருவர் அந்தப் பதவியின் பெயர்,புகழ் ஆகியவற்றில் திளைத்து இருக்கலாம். ஆனால், அந்தப் பதவிக் காலம் முடிந்தவுடன் அவர் மறுபடியும் சாதாரண மனிதராகி விடுகிறார்! மேலும், பிரபலம் அடைவதற்காக, பிரபலமான கோஷங்களைத் திரும்பத் திரும்பக் கூறி, தேர்தலில் வெற்றி பெறுவதற்காக ஓட்டுப் பிச்சை கேட்கும் விளையாட்டு, மறுபடியும் ஆரம்பித்து விடுகிறது. அஞ்ஞானம் மறைந்து,ஞானம் பிறந்து, பிறப்பு ,இறப்பு என்ற சுழற்சியே இல்லாத முடிவான இடத்தை நோக்கி நீங்கள் பயணம் செய்ய வேண்டும். மனம் என்பது அஞ்ஞானம் வளர்வதற்கான நல்ல விளை நிலமாகும். மேலும், மேலும் சுகத்தை நாடாது,ஞானத்தை நாடுங்கள்.