ஒவ்வொரு ஜீவராசியும் ஓய்வை(Rest) நாடுகின்றன;ஆனால்,புலனின்ப ஆசைகள் என்ற தூசி(Dust) மனதில் படிந்து,அதைத் துருப் (Rust) பிடிக்கச் செய்து, அதைத் தூள் தூளாகச் (Burst) செய்ய முயல்கின்றன.உங்கள் மனதிலிருந்து,இந்தத் துருவை நீக்க,தலை சிறந்த சான்றோர்களான தியாகராஜ ஸ்வாமிகள் போன்றவர்களது ஆத்மார்த்தமான பாடல் தொகுப்புகளைக் கேளுங்கள்.உங்களது விட்டேத்தித் தனத்தை கொஞ்சம் ஒதுக்கி வைத்து விட்டு,மனதை ஈர்க்கும் இந்த கீதங்களைக் கேட்டு அவற்றின் சாரத்தை உள்ளீர்த்துக் கொள்ளுங்கள்.ஆன்மீக கலாசாரம் மற்றும் மனக்கட்டுப் பாட்டின் விஞ்ஞானம், ஆயிரக்கணக் கானவர்களால்,பல ஆயிரம் வருடங்களில் உருவாக்கப் பட்டு,நடைமுறைப் படுத்தப் பட்டு,சீரமைக்கப் பட்டுள்ளது. இந்திய கலாசாரம், காலத்தின் தாக்கத்தையும்,சூறாவளிகளின் சீற்றத்தையும், இந்த முறைகளைப் பயன்படுத்தி,எதிர்த்து நிலை கொண்டுள்ளது. தலை சிறந்த சான்றோர்களின் கீதங்களை, அவற்றின் பாரம்பரிய பாணியில் கேட்டு, பாடி மகிழுங்கள்.இந்த தெய்வீக கீதங்களின் தொகுப்புக்களை வெறும் பாடல்களாக ( பாட்டுலு) எண்ணாதீர்கள்;அவை உண்மையில்,உங்களை தெய்வீகப் பாதையில்( பாட்டலு), இட்டுச் செல்லும், விலை மதிப்பற்ற ரத்தின மூட்டைகள்( மூட்டலு).