உலகியலான பொருட்களில் பற்றுதலுடன் வாழும் ஒருவருக்கு புலனின்பங்கள் மிகுந்த மகிழ்ச்சி அளிப்பவையாகும்.ஆனால் புலன்களே தாற்காலிகமானவை ஆனதால், அவை கணநேரத்தில் மறைந்து விடும் சந்தோஷத்தையே அளிக்கின்றன.மஞ்சள் காமாலை நோயினால் பாதிக்கப் பட்டவருக்கு அனைத்தும் மஞ்சளாகத் தோன்றும்,சுவையும் கசப்பாக இருக்கும். அதைப் போலவே,நோய்களால் பாதிக்கப் படும் புலன்களும் உண்மையான சந்தோஷத்தை அளிக்க முடியாது.உலகில் ஆசையற்ற மனிதரே இல்லை என்பதாலும்,ஆசை இன்றி இவ்வுலகில் வாழ்வது கடினம் என்பதாலும் பகவான் ஸ்ரீகிருஷ்ணர் ஒரு அருமையான ஆலோசனை அளிக்கிறார்.அவர், ''செயல்களின் பலன் மீது குறியாக இருக்காது, அனைத்து செயல்களையும் இறைவனது சந்தோஷத்திற்காக ஆற்றுங்கள்'' என்கிறார். உங்களது கடமைகளுக்கு மதிப்பளித்து, அனைத்தையும் இறைவனுக்கு அற்பணமாக ஆற்றுங்கள். மனச்சாட்சிக்குத் திருப்தி அளிப்பதற்காக நீங்கள் அனைத்து செயல்களையும் ஆற்றுவதை உறுதி செய்யுங்கள்; பின்னர் உங்கள் இதயம் மாசற்று இருக்கும்.இப்படிப் பட்ட செயல்,ஆசைகளால் கறைபடாத செயலான ''அனாபேக்ஷா'' என்ற தகுதியைப் பெறுகிறது.