உங்கள் தாயைத் தெய்வம் எனப் போற்றி அவளுக்குச் சேவை செய்வதை உங்களது தலையாய கடமையாகக் கருதுங்கள்.ஒன்பது மாதங்கள் உங்களைக் கருவில் சுமந்து,இந்த உலகில் உங்களைக் கொண்டு வந்து,பேணிக் காத்த தாயை, நீங்கள் மதிக்கவில்லை என்றால், நீங்கள் வேறு எவரை மதிக்கப் போகிறீர்கள்? இந்த அளவற்ற பிரபஞ்சத்தை நிலை நாட்டி, எண்ணிலடங்காத வழிகளில் அதைப் பேணிக் காக்கும் இறைவனது அன்பை ஒத்ததாகும் ஒரு தாயின் அன்பு.நீங்கள் இறைவனை தேவியின் உருவில் வழிபடுவதைத் தேர்ந்தெடுக்கக் கூடும்.மற்றொருவர் இறைவனை மற்றும் ஒரு ரூபத்தில் வழிபட்டுப் போற்றலாம்.எந்த ரூபங்களில் எல்லாம் இறைவன் மற்றவர்களால் வழிபடப் படுகிறானோ, அவை அனைத்தும் நீங்கள் தேர்ந்தெடுத்துள்ள இறை ரூபத்தைப் போலவே, முக்கியமானவை என்பதை நீங்கள் எடுத்துக் கொள்ள வேண்டும்.அதற்கு பதிலாக, பிறர் வழிபடும் இறை ரூபங்களைக் குறை கூறினாலோ அல்லது பழித்துரைத்தாலோ, நீங்கள் மிகவும் பாதகமான பாவத்தைச் செய்பவர்கள் ஆகிறீர்கள். அதைப் போலவே, அனைத்து தாய்மார்களையும், உங்களது தாயைப் போலவே சமமாக மதித்து, மரியாதை செலுத்த வேண்டும்.