ஆன்மீக சாதகருக்கு புத்தி கூர்மையுள்ள பாண்டித்யம் மிக அவசியமான ஒன்றல்ல.கடினமான சாஸ்திரங்களை வெறுமனே கரைத்துக் குடிப்பதால் அல்லாது, உங்களது சொந்த இல்லம் மற்றும் குடும்பத்திலேயே தொடங்கி, இந்த பிரபஞ்சத்தில் உள்ள அனைத்து ஜீவராசிகளுக்கும் பரவும் அன்பை வளர்த்துக் கொள்வதன் மூலம், ஆனந்தத்தைப் பெருக்கிக் கொள்ளுங்கள். எதிராளியின் வாதங்களை அலசி ஆராய்ந்து, அவற்றை கண்ட துண்டமாக்கி, பிறரது கருத்துகளைத் தவிடு பொடியாக்க, விழையும் குறுக்கு புத்தியைக் கைவிடுங்கள். அன்பெனும் இனிய பதார்த்தத்தை அனைவருக்கும் பகிர்ந்தளியுங்கள்; கட்டுக்கடங்காத இதயங்களை ஈர்த்து அனைவருக்கும் ஆனந்தத்தை அளியுங்கள்.இந்த அன்பின் பாதையில்தான் நான் உங்களுக்கு வழி காட்டி இட்டுச் செல்வேன். இறைவன் உங்களது பெயர், உங்களது பட்டங்கள்,தொழில்,தகுதி மற்றும் கடந்த காலம் அனைத்தும் அறிந்தவன்; உங்களுக்குத் திருப்தி அளித்து தனது தெய்வீக அன்பின் ஒரு சிறு கண்ணோட்டத்தைத் தருவதற்காகவே அவன் உங்களுக்கு பல முறைத் தன்னைக் காட்டிக் கொள்கிறான்;ஏனெனில் உங்களது அன்பிலிருந்து சிறிது அதோடு கலந்து, நீங்கள் உங்களது வாழ்க்கையை ஆனந்த மயமாக்கிக் கொள்ள முடியும்.