பெரியவர்களுக்கான உணவை ஒரு குழந்தைக்குக் கொடுக்க முடியாது-குழந்தையின் தேவைகள் மற்றும் அதன் ஜீரண சக்திக்கு ஏற்றவாறு, நீங்கள் அதன் உணவை சமன் செய்து அளித்து,படிப்படியாக அந்தக் குழந்தையின் சுவைகள் வயதிற்கு ஏற்றவாறு வளர விட வேண்டும். அதைப் போலவே,ஒரே மூச்சில் மலை உச்சியை நீங்கள் எட்டி விட முடியாது ! இடையறாத முயற்சி மற்றும் படிப்படியான முன்னேற்றமே உங்களை அதன் உச்சிக்கு இட்டுச் செல்லும் அல்லவா?புலன்களின் ஆதிக்கத்தை மறுப்பது கடினமான வேலையே என்பதை உணர்ந்திருங்கள். நூற்றுக் கணக்கான பிறவிகளில் உங்களுள் வளர்ந்துள்ள வாசனைகளை (மனப்பாங்குகள்) நீங்கள் வெல்ல முடியும், வென்றாக வேண்டும். தங்களது இலக்கை அடைந்து விட்ட ஒரு சிலரே, இந்த உலகம் ஒரு மாயையே, மேலும் இது இறைவனின் ஒரு வெளிப்பாடே என்பதைத் தெளிவாக உணர்ந்தவர்கள்.நீங்கள் ஒரு ஆன்மீக சாதகரானால், இந்தத் தெளிவு பிறக்கும் வரை,உங்களது பாதையில் பொறுமையுடனும், நம்பிக்கை மற்றும் உளமார்ந்த முயற்சியுடனும் விடாது தொடர்ந்து செல்ல வேண்டும்.