சூரியன் நாள் முழுவதும் ஆகாயத்தில் பிரகாசித்துக் கொண்டு தான் இருக்கிறான். நகருகின்ற மேகக் கூட்டங்கள் தான் அவனை மறைக்கின்றன, இல்லையா? அதைப் போலவே, உங்கள் இதயத்தில் எப்போதும் பிரகாசித்துக் கொண்டிருக்கும் ஆத்மாவை மறைக்கும் மேகங்களே, புலன்களாலான இந்த உலகம். இந்த மேகங்களைச் சேகரிக்கும் அதே மனதிற்கே அவற்றை ஒரு நொடியில் கலைத்து விடும் திறனும் உள்ளது ! காற்று மேகங்களை பல திசைகளிலிருந்தும் சேகரித்து, ஆகாயத்தை இருட்டாக்குகிறது.சில சமயம்,சில நொடிகளில், அதே காற்று திசை மாறி,மேகங்களை அவை எங்கிருந்து வந்தனவோ, அந்த இடத்திற்கே விரட்டி விடுகின்றது !பின்னர் , சூரியன் கண்ணுக்குப் புலப்படுகிறான். எனவே, உங்கள் மனம் அனைத்து சக்தியும் கொண்டது. அதை மேகங்களைச் சேகரிக்காது, அவற்றை சிதறடிக்க பயிற்சி அளியுங்கள். ஒவ்வொரு சாதகனும், தீவிரமான மற்றும் முறையான கட்டுப்பாட்டினைக் கடைப் பிடிப்பதன் மூலம், தங்கள் மனங்களுக்கு இந்தப் பயிற்சினையை அளிக்க வேண்டும்.