இந்தக் காலத்தில்,நற்குணங்கள் கொண்ட மனிதர்கள் கிடைப்பதோ அல்லது நற்குணங்கள் மனித மனங்களைக் கவர்ந்திருப்பதைக் காண்பதோ கடினமாக உள்ளது.கீழ்த்தரமான நிலைக்கு விழுந்து விடுவோம் என்ற அச்சத்தைக் கூட மக்கள் இழந்து விட்டார்கள்;மிருகங்களைவிட மோசமாக ஆகி விட்டார்கள். முந்தைய நூற்றாண்டுகளில் ராஜ்புத வம்ச பெண்கள் கொடூரமான எதிரிகளின் கையில் சிக்கி விடாமல் இருக்க, தங்களையே தீக்கிரையாக்கிக் கொண்டார்கள். அனுமன் சீதையை ஸ்ரீராமரிடம் திருப்பி எடுத்துச் செல்லச் சித்தமாக இருந்த போதும்,சீதையின் சீலகுணங்கள் அதை ஏற்றுக் கொள்ள அனுமதிக்கவில்லை. தானே வந்து, நடந்த தவறுக்குத் தண்டனை அளித்து, அவளை மீட்டால் தான் தனது கணவரின் புகழுக்கு ஏற்றதாக இருக்கும் என்று கூறினார்.அனுமனே அவளை எடுத்துச் சென்றால், ராவணனன் எதைச் செய்தானோ அந்தச் செயலைத் திருப்பிச் செய்வது போல் ஆகும், ஏனெனில் ஸ்ரீராமர் இல்லாத போது தான் ராவணன் கூட அவளைத் திருட்டுத் தனமாகக் கவர்ந்து சென்றான். அந்தச் செயலினால், தனக்கு உடனே கிடைக்கக் கூடிய நிவாரணத்தை, தனது சீலத்திற்கும் தனது கணவரின் நற்பெயருக்கும் ஏற்படக்கூடிய தாக்கத்தை விட, முக்கியமானதாக அவள் கருதவில்லை. அனைத்தும் உங்களுள் நீங்களே வளர்த்துக் கொண்டு, கையாளும் பார்வையில் தான் இருக்கிறது.