எவருக்கும் உள்ளார்ந்த ஆனந்தம் தான் ஒரு பொருட்டாக இருக்க வேண்டுமே அன்றி, வெளிப்படையான,புலன்களிலான, பொருட்கள் மற்றும் உலகியலான தாற்காலிக சந்தோஷங்கள் அல்ல.ஒவ்வொரு நாளும் தரும் ஏற்ற இறக்கங்களினால் பாதிக்கப் படாத சமநிலையான மனப்பாங்கை, நீங்கள் வளர்த்துக் கொண்டு விட்டீர்களானால், அதுவே உண்மையான வெற்றியின் நிச்சயமான அறிகுறி !ஒவ்வொரு நாளும் அதன் முந்தைய நாட்களைப் போன்று சூரிய உதயம் மற்றும் அஸ்தமனம், சந்திரனின் வளர்பிறை மற்றும் தேய்பிறை ஆகியவற்றைக் கொண்டதே. ஆனால், 365 நாட்களுக்குப் பின் நாம் அதைப் புத்தாண்டு என அழைத்து அதற்கு ஒரு புதிய பெயரும், எண்ணும் அளிக்கிறோம். சூரியனும்,சந்திரனும் ஒரு நாளின் உதயம் மற்றும் அஸ்தமனங்களைக் குறிக்கின்றன.ஆனால் அவை ஒரு நாளின் பெயர்,அல்லது எண் அல்லது வருடத்தால் பாதிக்கப் படுவதில்லை. சூரியன் மற்றும் சந்திரனைப் போல இருங்கள். புதிய எண் அல்லது பெயரைப் பற்றிக் கவலைப் படாதீர்கள்; ஆனால் உங்களது கடமை, உங்களது உள்ளார்ந்த சமநிலை மற்றும் உங்கள் உள்ளிருந்தே கிடைக்கும் ஆனந்தம் ஆகியவற்றில் கவனமாக இருங்கள் !