ஆசைகளையும்,விருப்பங்களையும் வளர்த்துக் கொள்ளும் '' ஆசை விவசாயத்தில்'' (இச்சா க்ருஷி) உங்களை ஈடுபடுத்திக் கொள்ளாமல் இருப்பதில் கவனமாக இருங்கள். இது முடிவே இல்லாத விதைப்பதும் அறுவடை செய்வதும் போன்றது;ஒருபோதும் நீங்கள் திருப்தி அடைய மாட்டீர்கள். ஏனெனில், ஒரு ஆசை பூர்த்தி ஆனவுடன் அது மேலும் பத்து ஆசைகளுக்கான தாகத்தைத் தூண்டி விடும்.எச்சரிக்கையுடன் இருங்கள்! விபரீதமான ஆசைகள் மற்றும் வக்ரமான திருப்திகளின் பின்னால் அலையாதீர்கள்.புலன்களின் ஆதிக்க ப்ரதேசங்களுக்கு இட்டுச் செல்லும் அனைத்துப் பாதைகளும் கரடுமுரடானவை,கண் மூடித்தனமானவை. இறைவன் பால் இட்டுச் செல்லும் வழியே நேரானது.உங்களது ஒவ்வொரு செயலிலும் நேர்மையை( நீதி) வளர்த்துக் கொள்ளுங்கள்.அதுவே தகுந்த நேரத்தில் தெய்வீகத்தை வெளிப்படுத்தும். அது உங்களுக்கு ஸத்வ, ரஜஸ் மற்றும் தமஸ் என்ற முக்குணங்களை வெல்ல உதவும்.நீங்கள் எவ்வாறு சுவையான உணவு தயாரிக்க மிளகாய்,உப்பு மற்றும் புளியை ஒன்றாக சேர்த்து அரைக்கிறீர்களோ, அவ்வாறே இந்த மூன்று குணங்களையும், பேரானந்தத்தின் சுவை வெளிப்படுவதற்காக,அரைக்க வேண்டும்.