ஆன்மீகக் கட்டுப்பாடு,ஆன்மீக எண்ணங்கள் மற்றும் ஆன்மீக நட்பு வட்டத்தில் உங்களை ஈடுபடுத்திக் கொள்ளுங்கள்.கடந்த காலத்தை மறந்து விடுங்கள்; அது தன் வழியில் செல்லட்டும்.இப்போதிலிருந்தாவது, உங்களைக் காப்பாற்றிக் கொள்ள வேண்டும் என்பதில் உறுதியாக இருங்கள். சந்தேகத்திற்கோ அல்லது சலனத்திற்கோ இடம் அளிக்காதீர்கள். உங்களுக்குப் பிடித்த ஏதாவது ஒரு இறை நாம,ரூபத்தில் நம்பிக்கை வையுங்கள். நீங்கள் இறைவனது ஒரு ரூபத்தை நேசித்து மற்றொன்றை வெறுத்தால் பலன் ஏதுமில்லை.இறைவன் எந்த நாம ரூபத்தின் ஒரு சிறிதளவு வெறுப்பைக் கூடச் சகித்துக் கொள்ள மாட்டான்.கோஷ்டிப் பூசல்கள், சண்டை சச்சரவுகள், வெறுப்பு மற்றும் குறை காண்பது ஆகியவற்றைத் தவிர்த்து விடுங்கள்; ஏனெனில் அவை உங்களது அறியாமையை வெளிப்படுத்துவதோடு,அவை உண்மையில் உங்கள் மீதே திரும்பிப் பாயும்.நீங்கள் பிறரிடம் குறை காண்கிறீர்கள்;ஏனெனில் அதே குறைகள் உங்களிடம் இருக்கின்றன. மற்றொருவர் மதிக்கும் இறை ரூபத்தின் மீது நீங்கள் அவமதிப்பை எறிந்தால், அது உங்களது இறைவன்மீது தான் விழும். ஒவ்வொருவரும் ஒரே இலக்கை நோக்கிச் செல்லும் யாத்திரீகர்களே என்பதை நினைவில் கொள்ளுங்கள்.சிலர் ஒரு வழியில் செல்கிறார்கள், மற்றவர்கள் மற்றொரு வழியில் செல்கிறார்கள்.