நீங்கள் எங்கு சென்றாலும் உங்களுடனேயே இருக்கும் இறைவன் பால் பற்றினை வளர்த்துக் கொள்ளுங்கள்.நீங்கள் இறைவனுடன், இறைவனுக்காக வாழ்ந்த வருடங்களையே உண்மையான வாழ்க்கையாக எண்ண முடியும். தலைசிறந்த ப்ரேமையின் (பரப்ரேமா) வடிவான அவன் மீது தெய்வீக அன்பை ( ப்ரேமை) வளர்த்துக் கொள்ளுங்கள்.இறைவனது அன்பைப் பரிசோதிக்கும் சந்தேகம், தயக்கம் மற்றும் கேள்விகளுக்கு இடம் அளிக்காதீர்கள். '' எனது துன்பங்கள் ஏன் தீரவில்லை?இறைவன் என்னைப் போதிய அளவு நேசிப்பதில்லையா? என்னை ஏன் உதாசீனப் படுத்துகிறான்?அவன் ஏன் என்னுடன் பேசுவதில்லை? '' என்ற கேள்விகளை எழுப்பாதீர்கள். இறைவன் உங்களைக் கவனிப்பதில்லை மற்றும் உங்களை அவன் அறிந்ததில்லை என ஒரு போதும் நினைக்காதீர்கள்.இறைவன் தன்னலமற்ற அன்பால் நிறைந்தவன் ;அவன் எப்போதும் உங்கள் மீது அக்கறை கொண்டவன். உண்மையில் அவனது ஒவ்வொரு செயலும் உங்களது நன்மைக்காகவே !