அழைப்பு வரும்போது ( இறப்பு ),பயணம் செய்யத் தயாராக இருப்பதற்கு, இப்போதிலிருந்தே துறவு மனப் பாங்கை பழக்கிக் கொள்ளுங்கள் ! இந்த அழைப்பு எப்போது வரும் என்று எவரும் அறியார்; அந்தத் தருணத்தில், நீங்கள் குவித்து வைத்துள்ள சொத்துக்கள், நீங்கள் சேர்த்து வைத்துள்ள புகழ் அல்லது பட்டங்களைப் பற்றி எண்ணிக் கண்ணீர் வடிப்பதில் பயனில்லை! கழுகின் அலகில் மீன் இருக்கும் வரை காகங்கள் அதைத் தொந்தரவு செய்யும். காகங்கள்,கழுகின் வாயிலிருந்து மீனைத் திருடிச் செல்ல, வேகமாக அதைத் தாண்டிப் பறந்து செல்லும். அது ஓய்விற்காக சிறிது எங்காவது அமர்ந்தால் கூட, அவை துரத்தும். இறுதியாக,கழுகை அந்த மீனின் மீது உள்ள பிடியை விடுத்து அதைக் கீழே போட்டு விடுகிறது; அப்போதே, காகங்கள் மீனின் பின்னால் பறந்து சென்று கழுகை விட்டு விடுகின்றன. அதைப் போலவே, நீங்களும் புலனின்பங்களை விட்டு விடும்போது, தற்பெருமை,பொறாமை, த்வேஷம் மற்றும் வெறுப்பு என்ற காகங்கள் பறந்தோடி விட்டு உங்களை சாந்தியுடன் இருக்கச் செய்யும்.