அகந்தை அல்லது அஹங்காரம் ஒரு அபாயகரமான பலஹீனமே.தான் புகழப்பட வேண்டும்,பேசப் பட வேண்டும் என்ற ஆசையே அது. மனிதர்கள் தங்களது திறமைகள் மற்றும் சாதனைகளைப் பற்றித் தம்பட்டம் அடித்து கொள்வதில் சந்தோஷம் அடைகிறார்கள். இது உண்மையில் அவர்களை ஏளனத்திற்கும், பரிதாபத்திற்கும் உரியவர்களாக ஆக்குகிறது. அவர்கள், தங்களது பெயர் மற்றும் பணிகள் கொட்டை எழுத்தில் தினசரிப் பத்திரிக்கைகளில் வர வேண்டும் என விரும்புகிறார்கள்.தயவு செய்து புரிந்து கொள்ளுங்கள், நீங்கள் கவனம் பெற வேண்டியது தினசரிப் பத்திரிக்கைகளில் அல்ல. உங்களது தகுதியை இறைவனது சாம்ராஜ்யத்தில் பெறுங்கள். நல்லோர்கள் மற்றும் ஆன்றோர்களின் நட்பு வட்டத்தில் புகழ் ஈட்டுங்கள். நீங்கள் சதா ஸர்வகாலமும், முதல் வகுப்பில்,'' அ,ஆ,இ,ஈ '' என்று கற்றுக் கொண்டே இருந்தால் பண்டிதர்கள் சொல்வதை எப்படிப் புரிந்து கொள்வீர்கள்?பணிவுடன் இருப்பதிலும், பெற்றோர்கள் மற்றும் பெரியவர்களுக்கு மரியாதை செலுத்துவதிலும், முன்னேற்றம் பெறுங்கள்.