நீங்கள் கோவிலுக்குச் செல்லும் போது, சிலர் சன்னதி முன்பு தேங்காய் உடைக்கிறார்கள். மரத்திலிருந்து விழும்போதே, அதை நீங்கள் உடைக்க முயன்றால், அது உடையுமா? மேலே இருக்கும் நார் உள்ளிருக்கும் ஓடைக் காத்து, தேங்காய்க்கு எந்த கெடுதலும் வராமல் காக்கிறது. எனவே, மேலே இருக்கும் நாரை மிகுந்த முயற்சி எடுத்து, முதலில் விலக்க வேண்டும். அதனுடைய எல்லா விதமான சலனங்கள் மற்றும் ஆசைகள் கொண்ட மனதை உடைப்பதாலேயே மோக்ஷம் கிடைக்கிறது. நீங்கள் மனதை உடைக்க வேண்டும், ஆனால் புலனின்ப ஆசைகள் என்ற நார் கவசம் அதை மூடி இருக்கும் வரை இதை எப்படிச் செய்ய முடியும்?மிகவும் கடினமான நார் கோபம் தான்;இதுவே மிகவும் அதிகமாக ஒட்டிக் கொள்ளும் அழுக்காகும். கோபம் வந்து விட்டால், நீங்கள் தாய்,தந்தை மற்றும் குருவை மறந்து விட்டு மிகவும் கீழ் நிலைக்கு இறங்கிவிடுகிறீர்கள். உணர்ச்சி வேகத்தில் அனைத்து பகுத்தறிவையும் இழந்து விடுகிறீர்கள். எனவே, அவற்றை நீக்கி விட்டு, இறைவன் முன் மனதை அர்ப்பணித்து, அவனது முன்னிலையில் அதைப் போட்டு உடைத்து விடுங்கள். அந்தக் கணத்திலேயே,நீங்கள் முழு சுதந்திரம் அடைந்து விடுகிறீர்கள்.