உலகியலான புத்தி, இறைவனது வழிகளின் ஆழத்தை உணர முடியாது. பெரும்பாலும் வெறும் சாமர்த்தியமாக இருக்கும் உங்களது புத்தியைக் கொண்டு அவனைக் கண்டு கொள்ள முடியாது.நீங்கள் இறைவனால் பயன் பெறலாம், ஆனால் நீங்கள் அவனை விவரிக்க முடியாது. மின்சாரத்தினால் பயன் பெற்று, அதை ஆயிரக்கணக்கான வழிகளில் நீங்கள் உபயோகிக்கலாம்,ஆனால் நீங்கள் அதனது மர்மத்தை ஆராய்ந்து விளக்கமளிக்க முடியாது. அது எவ்வாறு ,ஏன் வேறு விதமாக இல்லாமல், ஒரு குறிப்பிட்ட விதத்தில் செயலாற்றுகிறது என்பது உங்களுக்கு அப்பாற் பட்டது. உங்களது விளக்கங்கள், வெறும் அனுமாணங்களே; உங்களது அறிவீனத்தை வார்த்தை ஜாலங்களால் போத்தி மறைக்க நீங்கள் செய்யும் முயற்சிகளே .தவறு என்ன என்றால்,நீங்கள் உங்களது மூளைக்கு அதன் தகுதியை விட அதிகமான மதிப்பை அளிக்கிறீர்கள். பரம்பொருள் மூளைக்கு அப்பாற்பட்டது.ஒரு பாறையில் நீங்கள் நின்று கொண்டிருக்கும் போது, அதை நீங்கள் தூக்க முடியாது ! மாயையில் நின்று கொண்டே, நீங்கள் அதை விட்டொழிக்க முடியாது.