அனைத்துப் பொருட்களும் ஒரே தெய்வீகத் தத்துவத்தால் பரவியுள்ளவையே. அனைத்து நாமங்களும் இறைவனது மாட்சிமையின் அம்சங்களே.தெய்வீகம் ஒவ்வொரு ஆத்மாவிலும் தவிர்க்க முடியாததும், உள்ளுறைவதும் ஆகும்; இந்த உண்மையை மனிதர்களுக்கு நினைவுறுத்தும் முறை மனித வரலாறு தோன்றிய நாளிலிருந்தே தொடங்கியதாகும். தெய்வீகமான வாழ்க்கை நடத்துவதற்கு என்ன செய்ய வேண்டும்? சத்தியத்தை மறைக்கும் பனிமூட்டத்தை விலக்குங்கள் ! மாயை எனும் பனி மூட்டம், நீங்கள் தாழ்ந்த, தாற்காலிகமான, நிலையற்ற ஜடப் பொருள் என நம்ப வைக்கிறது !இது தவறானது !அனைத்தும் புனிதமான, தூய்மையான பரமாத்மாவின் அங்கங்களே. மின்விளக்குகள் எவ்வாறு அவற்றின் மின் சக்திக்குத் தக்கபடி ஒளியைப் பரப்புகின்றனவோ, அவ்வாறே நீங்கள் ஒவ்வொருவரும் உங்களது ஆன்மீக சாதனையின் விகிதத்திற்கு ஏற்றபடி பிரகாசிக்கிறீர்கள். பரமாத்மாவினால் தாங்கப் படாதவர் எவருமில்லை.அவரைக் குறிக்காத நாமமும் எதுவுமில்லை. அனைத்தும் அவனுடையதே !