வேதங்களை அடிப்படையாகக் கொண்டு, ஸ்ரீமத் ராமாயணம் மற்றும் ஸ்ரீமத் பாகவதங்களில் விவரிக்கப் பட்டுள்ள கலாசாரத்தை, அதனைச் சரியாகப் புரிந்து கொண்டு கடைப் பிடித்தால், மனிதர்கள் தங்களுக்கு என்று நிலையான ஆனந்தத்தை உறுதி செய்து கொள்ள முடியும்.வேதங்கள், '' உண்மையே பேசு (சத்யம் வத), தர்மவழியில் நட ( தர்மம் சர ) '' என வலியுறுத்துகின்றன. சத்யம் மற்றும் தர்மம் என்றால் என்ன? பாமரனானாலும், படிக்காதவரானாலும், புரிந்து கொண்டு, கடைப்பிடித்து, அவற்றின் மூலம் பயன் பெறும் வண்ணம்,ஸ்ரீமத் ராமாயணம் மற்றும் ஸ்ரீமத் பாகவதம்,இந்த அறிவை கதைகள் மற்றும் உதாரணங்களின் மூலம் தெளிவாக்குகின்றன. துயரமே வியாதி; அதைக் குணப்படுத்தியே ஆக வேண்டும்.இதற்கான மருந்தை வேதங்கள் பரிந்துரைக்கின்றன:அதை புனித நூல்கள் கற்பிக்கின்றன; அவற்றைக் கண்டறிந்து உட்கொள்ள வேண்டும்; பின்னரே ஆனந்தத்தின் அனுபவம் கண்டிப்பாகத் தொடரும். இதில் சந்தேகமே இல்லை.