பாரதத்தில் பகவானின் பல அவதாரங்கள் நிகழ்ந்துள்ளன. ஏனெனில் பள்ளிகள் இருக்கும் இடங்களிலும்,கற்றுக் கொள்வதில் ஆர்வம் உள்ள மாணவர்கள் காணப்படும் இடங்களிலும் தானே ஆசிரியர்கள் இருக்க வேண்டும். ஆசிரியர்கள் ஒரு இடத்திலும், பள்ளிகள் மற்றொரு இடத்திலும், கரும்பலகை ஒரு இடத்திலும் , மணி மற்றொரு இடத்திலும் ஆக இருக்க முடியாது.கூடூரில் மைக்கா சுரங்கங்கள் உள்ளன;அவை ஏன் பெத்தாபுரத்தின் அருகில் இல்லை என நீங்கள் கேட்க முடியாது. அது அப்படித்தான். அதைப் போலவே, பாரதத்தில் வளமான ஆன்மீகச் சுரங்கங்கள் இருக்கின்றன; எனவே, அவற்றை நடத்தி, வெட்டி எடுத்து, பயன்படுத்தும் அளவிற்குத் தயார் செய்ய பொறியியல் வல்லுநர்கள் இங்கு வந்தே ஆக வேண்டும். எனவே தான் , பகவானின் அதிகமான அவதாரங்கள் இங்கு நிகழ்கின்றன. தோண்டி எடுத்து, மனித குலத்திற்குப் பயன்படும் வகையில் செய்வதற்கான, நடைமுறைக்கு ஏற்ற, புதிய முறைகளையும், உத்திகளையும் கையாளுவதற்கான சூழ்நிலைகளும் கூட இங்கு தான் அமைந்துள்ளன.