இறைவன் மீது அல்லது உங்களுள் இருக்கும் தெய்வீக ஒளிக்கீற்றின் மீது நம்பிக்கை வையுங்கள்,அது உங்களுக்கு உத்வேகம் அளிக்கும்.சிலர் இறைவனுடன் பேரம் செய்வார்கள்- ஒரு குறிப்பிட்ட வியாதி குணமாகி விட்டாலோ அல்லது ஒரு பேராபத்து தவிர்க்கப் பட்டு விட்டாலோ,அவனுக்கு விலை உயர்ந்த பொருட்களையோ அல்லது அவர்களது முடியையோ தருகிறோம் என்று. ஸ்ரீ வெங்கடேஸ்வர பகவானுக்கோ அல்லது இறைவனின் எந்த ரூபத்திற்கோ உங்களது முடி தேவை இல்லை.முடியை மழித்துக் கொள்வது, உடலியலான அழகு மட்டுமே முக்கியம் என்ற மாயையை நீங்கள் விட்டு விட்டீர்கள் என்பதைக் குறிக்கிறது.நீங்கள் உங்களை வேண்டும் என்றே அழகற்றவர்களாக ஆக்கிக் கொள்ளும் முயற்சியை மேற்கொண்டு, உள்ளார்ந்த அழகும் ,இசைவுமே அர்த்தமுள்ளவை என்பதை நிரூபித்துக் காட்டுகிறீர்கள். கெஞ்சவோ,குழையவோ, முகஸ்துதி செய்யாதவனே உண்மையான தீரன் .எது சிறந்தது என்பதை இறைவனே அறிவான் என்பதை அவன் அறிவான்.அது இறைவனது ஸங்கல்பம் எனில், அவன் உணவும் உடையும் அளிப்பான்; இல்லை எனில் அவனது விருப்பப்படியே நடக்கட்டும். அதுவே பரிபூரண ஸரணாகதியின் பாதை.