பெரும்பாலும் மனிதர்கள் ஆரோக்கியத்தை அதற்காக இல்லாவிட்டாலும், வியாதியைத் தடுப்பதற்காகவோ அல்லது அதைக் குணப் படுத்திக் கொள்வதற்காகவோ நாடுகிறார்கள்.ஏனெனில்,வியாதி என்பது துயரமானது, எனவே, ஒவ்வொருவரும் ஆரோக்கியத்தையே விரும்புகிறார்கள்; ஆரோக்கியம் என்றாலே சந்தோஷம் தான்.உண்மையைச் சொல்லப் போனால், ஒவ்வொருவரின் இயற்கையான தன்மை ஆரோக்கியமே.நீங்கள் அமைதியாக இருக்கும் போது,நீங்கள் இயற்கையாகவே ஆனந்தமாக இருக்கிறீர்கள்;மேலும் நீங்கள் சாந்தியையும், ப்ரேமையையும் அனுபவிக்கிறீர்கள். எவ்வாறு ஏரிக்கரையில் தூக்கி எறியப் பட்ட மீன் தண்ணீரில் மீண்டும் செல்லத் துடித்துத் துவளுகிறதோ, அவ்வாறே,ஒவ்வொரு ஜீவராசியும் அமைதி, சாந்தி, திருப்தி மற்றும் ஆனந்தத்தைப் பெற அவர்களது வாழ்வின் ஒவ்வொரு நாளும் போராடுகின்றன. நீங்கள் ஒவ்வொருவரும்,உங்களது முயற்சியால் மட்டுமே ஆனந்தத்தைப் பெற முடியும். சந்தோஷம் என்பது உள்ளார்ந்த பொக்கிஷம்; அதைப் பெறுவதற்கான சிறந்த வழி பற்றின்மை மற்றும் ஒழுக்கத்தைக் கடைப்பிடிப்பதே. நீங்கள் ஆனந்தமாக வாழும் திட்டத்தைக் கட்ட விரும்பினால், முதலில் சாந்தியையும், திருப்தியையும் இன்றியமையாத செங்கற்களாக இருக்கத் திட்டமிட வேண்டும்.