பருப்பை ருசித்து உண்ண வேண்டும் என்றால், அதில் போதுமான அளவு உப்பு இருக்க வேண்டும்.ஆனால்,அதையே நீங்கள் சிறிது அதிகமாக போட்டு விட்டால்,அது அந்த பதார்த்தத்தை வீணாக்கி விடுகிறது.அதைப் போலவே, உங்களுக்கு மிக அதிகமான ஆசைகள் இருந்தால், வாழ்க்கையும் சகித்துக் கொள்ள முடியாததாக ஆகி விடுகிறது.உங்களுடைய திறனுக்குத் தகுந்தவாறு, உங்களது ஆசைகளை ஒரு அளவிற்குள் வைத்துக் கொள்ளுங்கள்; அவற்றிலும் எவை உங்களுக்கு நிரந்தரமான ஆனந்தம் தருமோ, அவற்றை மட்டும் வைத்துக் கொள்ளுங்கள். படாடோபம் மற்றும் சமூகத்தின் ஏற்புகளின் பின்னால் அலைந்து திரிந்து,உங்களது வளங்களை சீர் செய்ய முடியாத அளவிற்கு கொண்டு சென்று விடாதீர்கள்.நீங்கள் முன்னேறியுள்ள நிலை மற்றும் உங்களது வாழ்க்கைக்கு உகந்த தர்மத்தைக் கடைப் பிடியுங்கள். உங்களது தேவைகள் மற்றும் சந்தோஷங்களுக்கு முன்னுரிமை அளிக்காதீர்கள். பிறரது சந்தோஷத்தை உங்களுடையதை விட முக்கியமானதாகக் கருதுங்கள். பெரியவர்களை மதித்து,சகோதர,சகோதரிகள், ஆசிரிய, மாணவர்கள், முதலாளி, தொழிலாளிகள் இடையே இசைவை உருவாக்குங்கள்.உங்களது தாய்நாட்டின் கலாசாரத்தை மதித்து,நீங்கள் பிறந்து, வாழும் நாட்டிற்கு பெருமை சேருங்கள். பெற்றோரைப் பேணிப் போற்றுங்கள்.நீங்கள் அவ்வாறு செய்தால் இறைவன், உங்களைத் துன்பங்களிலிருந்து காத்திடுவான்.